62歲米雪粉紅學生Look 網民:重返20歲

20171203
東網電視
更多新聞短片
米雪大晒學生Look。
現年62歲嘅藝人米雪近期忙於無綫劇集《溏心風暴3》宣傳,不過幾忙都好都要抽時間同一班朋友見吓面。佢就同肥媽(Maria Cordero)、陸永、C君等出席一個以「Back To School」作為主題嘅晚宴,講到「Back To School」,當然會諗起學生Look啦!肥媽着校服大家可能都已經睇過,不過米雪着校服,大家又睇過未?
米雪喺社交網站上載咗多張當晚晚宴嘅相,佢留言:「穿起校服,感覺就回來啦!誰想到這個好主題—謝謝啦!」米雪以一身粉紅色校服示人,再加多一條格仔短裙,呢一身造型真係冇得輸!
雖然米雪已經62歲,不過保養得宜嘅佢,着起一身校服Look真係毫無違和感。除咗相之外,米雪仲拍咗一段片,孭住書包嘅米雪喺鏡頭前轉圈之餘,講咗兩次:「我返學啦!」睇嚟佢真係好享受做學生嘅感覺。唔少網民都話米雪點睇都唔似年過60,仲有人笑言米雪重返20歲。
----------------------------
東網巨星開咗ig喇,大家快啲follow啦!