希望爸爸退休享清福　譚俊彥：年紀好大

藝員譚俊彥、曹永廉、胡定欣、姚子羚、陳凱琳、張振朗、胡諾言、張秀文、龔嘉欣、湯洛雯等在將軍澳電視城為新劇《包青天再起風雲》試造型及拜神。譚俊彥傳承父親狄龍，二十五年後扮演包青天，公孫策與展昭分別由曹永廉與張振朗飾演。

問到譚俊彥扮演包青天有冇壓力？他笑說：「冇諗，香港要養兩個細路壓力大啲，比較就實會有，自己入行都20年都仲有人講緊。（狄龍有冇畀意見？）佢咁多年畀咗好多意見我，教我做一個盡責嘅演員，要尊重導演，開工要準時，多謝佢由細到大嘅培養。」

譚俊彥透露與父親最近完成一套馬來西亞電影，他透露這套電影可能是與爸爸最後一套合作的電影，因為他希望爸爸退休湊孫享清福，他說：「我希望佢退休，佢年紀好大，已經70幾歲，之前喺大陸拍嘢都中暑。（狄龍想唔想退休？）呢個係我嘅諗法，因為呢幾個月有好多朋友走咗，自己都覺得有啲嘢應該改變，大家個崗位都要轉一轉，今日就當係我接棒。」

曹永廉頂替老友陳國邦扮演公孫策，他笑說：「佢最安慰係我去頂，大家都係呢行，冇問題嘅。」曹永廉指今次以輕鬆手法演繹公孫策角色，角色還會懂得輕鬆，跟以往沒有得比較。

----------------------------

東網巨星開咗ig喇，大家快啲follow啦！

https://goo.gl/KGuo2N