【懶理被抽水】謝霆鋒北京谷《鋒味》

廚神謝霆鋒（Chef Nic）出席米芝蓮晚宴時大騷秘技，示範用摩打手「唧朱古力」，呢條片之後即被網民瘋傳，一眾藝人好似張敬軒、鍾舒漫都要「抽一抽水」拍片向霆鋒致敬一番。

帶眾星環遊半個地球

而當事人霆鋒，今日就已經飛到北京為其將於12月9日上線嘅飲食節目《鋒味》舉行記者會。記者會開始，先播放一條長達3分鐘的宣傳短片，短片中見到這位「Chef Nic」足迹遍及世界各地，例如香港、挪威、雲南、泰國、新西蘭、澳門、意大利、上海等。身為「米芝蓮之友」的霆鋒更帶同容祖兒、Twins、陳偉霆、王嘉爾及徐熙娣（小S）等，再加8名「鋒廚」與全世界的頂級廚師進行廚藝PK和美食鑒賞。

出動人情牌

今次走勻半個地球、4萬里長征的《鋒味》，謝霆鋒表示：「今次去到世界各地同其他名廚PK，係一次難得嘅經驗，每一次嘅經驗都取得該有嘅進步。」《鋒味》總製片霍汶希（Mani）說：「為咗拍《鋒味》，霆鋒推咗好多部戲。《鋒味》入面請嚟嘅藝人嘉賓，如果要以市場價去計，節目根本做唔到，因為太貴喇！所以都係靠霆鋒咁多年嚟累積番嚟嘅人緣先請到。」

挪威之行有壓力

霆鋒即將出發到北歐的挪威，他很期待破冰船之旅，他說：「要去海上搵螃蟹、鱈魚，其實都好困難，唔係所有嘉賓都願意跟你到零下19度嘅地方。」過去幾年，霆鋒將心思全放在美食節目上，他說：「到了外國很多餐廳，中餐只有咕嚕肉、左宗棠雞，如果再沒有推廣或維護，中餐就會流失，呢個就係我堅持做《鋒味》嘅意義。」對於父親謝賢早前在內地綜藝節目疑踢小朋友Pat Pat惹爭議一事，霆鋒沒有看到這新聞，他說：「小時候父親沒有打過我，都是媽媽打。」

----------------------------

東網巨星開咗ig喇，大家快啲follow啦！

https://goo.gl/KGuo2N