【閨蜜年】阿Sa自嘲百年搖錢老樹

天后容祖兒和Twins的蔡卓妍（阿Sa）及鍾欣潼（阿嬌）三女相識廿載首度合唱新歌《全副舞裝》，並特別到澳門新濠影滙的8字摩天輪上取景拍攝MV。現場三女在摩天輪前進行打手印儀式，穿Low-cut的祖兒烏身時，阿Sa出手撳住對方的心口，怕她走光。

去完旅行又齊齊拍廣告

三女感情要好更自封為「龍虎豹」，活動上三人講到終於合作，祖兒謂：「今年係閨蜜年，年頭同阿Sa去完旅行，跟住我哋三個合作拍廣告，到依家又有呢次嘅合作，冥冥中自有主宰，係剛剛好。」被問到可會再有其他合作？阿Sa笑言：「一定有機會，我哋同一公司，佢哋一定唔會放過搵錢嘅機會，仲要今次係國語歌，我哋係一棵好大嘅搖錢樹，我哋加埋係棵百年老樹。」

戥男友辛苦

講到日前阿嬌被拍到偷運「醫界王陽明」男友賴弘國返閨，阿嬌坦言：「幾時偷運呀？（光明正大？）係呀，佢有手有腳識得自己行。（男友攝時間來探你？）佢都辛苦，都覺得好感動，佢都好忙，但大家都想見多啲面維持感情。」問到有冇叫過男友考慮在香港開醫學美容院？阿嬌話：「我都有問過，但係佢話做唔到，你哋唔明㗎喇，唔係咁簡單。」

男友送「Luck」字麻雀

講到早前阿Sa生日，問到麻雀館太子爺男友送甚麼禮物？阿Sa謂：「有送禮物，不過唔講你知係咩，阿嬌送咗手袋，祖兒就送咗相機畀我。」阿嬌就話：「佢哋鍾意啲嘢好奇怪。」送隻刻有Sa字麻雀畀你？阿Sa笑話：「係呀！上面寫住個Luck字。」旁邊的祖兒就搭嘴笑道：「I Luck You呀？」

望霆鋒獲米芝蓮榮譽

另外，講到謝霆鋒早前在澳門示範廚藝的Chok爆片段被網上瘋傳，連黃秋生、張敬軒都拍片抽水，祖兒表示：「我喺現場親眼睇到咪仲勁，佢煮嘢嘅時候係進入忘我境界，佢係Chef Lé Mon」阿Sa就叫霆鋒這次做「Chokonic Challenge」。阿嬌則希望霆鋒獲得米芝蓮星級榮譽。