愛人結婚了!彭于晏「失戀」扁嘴祝福樂仔

20171206
東網電視
更多新聞短片
彭于晏扁晒嘴好慘呀!
愛人結婚了,新娘不是我!仲要出席愛人的婚禮,看到他們雙雙對對,恩恩愛愛,塵世間最痛苦的事莫過於此!講緊邊個?咪就係彭于晏囉,曾與余文樂傳出「斷背情」嘅佢,今日喺ig上載幾張出席樂仔澳洲婚禮的照片,見佢同新娘新郎合照時,扁晒嘴嘅傷心表情,真係我見猶憐,隔住個mon都感受到嗰種「失戀」的痛,直至與親友合照時,彭于晏才暫時放下展現燦爛的笑容。不過彭于晏都大方送上祝福,他寫道:「So happy for you bro」。希望佢盡快走出失戀嘅陰霾啦!
另外,彭于晏又上載咗一條短片,片中除咗有樂仔妹妹與老公之外,仲見到彭于晏負責揸機,而喺佢身旁嘅樂仔就抱住外甥仔係咁撩佢玩,不過就唔見新娘Sarah入鏡,唔知Sarah係咪因為昨晚洞房太攰要留喺酒店休息,所以今日要搵彭于晏暫時頂替住個位呢?
唔講咁多先,不如呢家就重溫吓樂仔與彭于晏昔日「恩愛」片段啦:
彭于晏在大陸宣傳電影時,大爆樂仔妒忌他有咀戲,樂仔冇,所以加咗一場咀他的戲份。
余文樂彭于晏出席電影《悟空傳》首映時,兩人在台上情深對望,樂仔更伸出手指挑逗彭于晏的敏感部位。
彭于晏早前帶家人去旅行,可能事前冇同樂仔報備,樂仔忍唔住facetime彭于晏問到底去咗邊,似係驚彭于晏出去「偷食」,然後彭于晏同家姐一齊擺出驚訝的表情,寫說:「這樣你滿意了嗎?」然後兩人都將facetime時的cap圖放上社交網,網友都話佢哋喺度晒恩愛。
其後,身為樂仔好友嘅舒淇亦有喺社交網上晒咗張樂仔抱B同彭于晏一齊行街嘅合照,仲搞笑留言:「毫無違和感 祝你們一家幸福~~」連網友都忍唔住話早就懷疑佢哋兩個喇!