交換婚戒相曝光!余文樂感動:畢生難忘

20171206
東網電視
更多新聞短片
閃到核爆!
36歲男神余文樂昨日與拍拖一年嘅台灣皮帶大王千金王棠云(Sarah)拉埋天窗,正式封盤!喺社交網突然公布喜訊嘅佢,分享一張笑到見牙唔見眼嘅婚照閃爆全城!樂仔更冧爆留言:「在對的時間遇到對的人」大晒幸福!
正所謂開心嘢咪畀佢停,今日依然有樂仔嘅洗版式婚照!樂仔今朝再晒出一系列靚相,更Sweet爆留言:「畢生難忘的一個晚上。」相中除咗見一班型英索靚正嘅兄弟姊妹團登場之外,更見「緋聞男友」彭于晏嘅蹤影,相中彭于晏喺草地孭起新郎哥,兩人嘅手仔仲搭住,Hehe味甚濃!不過講到婚宴嘅女主角位置,就當然非新娘Sarah莫屬啦!其中一張相就見到低胸婚紗嘅Sarah,小鳥依人咁挨住樂仔膊頭,而樂仔就配合地做出搞鬼表情,認真Sweet!
另外,仲有相可以見到兩人喺草地上互相交換戒指,而新娘子個樣仲似係喊過咁,相當感動!
----------------------------
東網巨星開咗ig喇,大家快啲follow啦!