陳寶珠預告聖誕孖家人朋友食大餐

藝人陳寶珠及組合草蜢出席慈善聖誕活動，接受訪問時，透露擔任慈善基金大使已經有十幾年。一向好注重健康嘅陳寶珠表示有keep住做身體檢查，笑言：「身體一路成熟，要check吓，始終好多機器需要修理。好注重飲食，睡眠都好重要，每日都會練舞。（跳funky dance？）more than funky dance，好大運動量，要練吓氣，唔做多啲運動啲筋骨會硬。」

至於談到聖誕，陳寶珠指今年會同過往一樣留在香港度過，亦會同家人朋友食大餐。但仔仔楊天經聖誕過後就要到上海演出話劇，不過今次就唔陪仔仔去，由新抱陪。