火速造人成功　32歲梁麗翹宣布佗B四個月

32歲《東張西望》主持梁麗翹（Nicole）本年二月與圈外男友結婚後火速造人，今日宣布懷孕四個月，可喜可賀！她直言早已計劃明年生BB，如今如願以嘗，問有何造人秘訣？她笑言有計日子，但沒有特別食療及注意「姿勢」，她笑說：「咁可能我同老公都做開運動，老公體能好。」她表示懷孕後身體經常不適，作嘔又易攰，幸得體貼老公照顧：「佢買書學點照顧大肚婆，睇埋坐月嗰陣又應該點，仲睇到點教六歲小朋友嘅書，好緊張！（Feel到BB郁未？）我日日摸住個肚，聽人講話四、五個月就開始感受到，有日我以為Feel到佢心跳，但原來係自己脈搏。」

Nicole又表示上月生日時首度向母親及友人公布喜訊，大家都戥她高興：「當時我未知BB係仔定女，老公就知道，佢安排我切完蛋糕就用顏色宣布，好有心思！至於有兩個朋友知我有喜但未知BB性別，所以買齊粉紅色同粉藍色襪仔，好多謝佢哋。」問到BB是仔定女，Nicole表示遲些向外宣布。

----------------------------

東網巨星開咗ig喇，大家快啲follow啦！