接受唔到姊弟戀　惠英紅自認保守

影后惠英紅憑電影《血觀音》奪得台灣金馬影后，晚上她在銅鑼灣為電影舉行首映。神秘嘉賓張孝全突然出現並上台送花及抱抱祝賀，令惠英紅十分驚喜。

望同張孝全合作

惠英紅透露與張孝全雖然未合作過，但因張孝全與導演楊雅喆熟稔，電影拍攝攝時不時來探班，故大家也相熟。問到惠英紅若與「男神」張孝全合作希望做什麼角色？她說：「我冇所謂，我梗係做家姐或者阿媽啦。（姊弟戀故仔？）姊弟得好緊要喎，人哋先得30幾歲，你唔怕，我都怕呀，其實幾難寫到個有說服力，吸引到觀眾嘅故仔。（現實中接唔接受到細過你嘅男仔？）細過我就唔鍾意，我份人好保守，做朋友就可以。」

惠英紅近日忙於另一新片通宵拍攝，忙得消瘦不少。貴為影后級的惠英紅在金馬獎再下一城會否加人工？她說：「我唔理呢啲，等公司去傾。（收入增加咗？）我唔知喎，因為手頭嘅片約都係之前簽落，已經排都年中，到時我都過氣啦，哈哈。」惠英紅指電影在港上映是原聲普通話及一刀不剪，故有點緊張，希望香港成績也好。