又一單撞樣！徐加晴楊詩敏「姊妹」相認
20171206
東網電視
更多新聞短片
徐加晴（右）楊詩敏終於在東華遇上。
人有相似，無論天生或後天加工後，圈中經常出現撞樣的情況，最近藝人楊詩敏（蝦頭）就被指跟2017年樂壇新人徐加晴（Rona）樣似，更有人以為Rona和蝦頭有親屬關係，而這對「姊妹花」日前終於齊出席「歡樂滿東華」活動，雖然一個古裝，一個時裝，但當兩女企在一起合照時，兩人高度、樣貌、笑容及神態有八成似。
「Facebook之神」都認錯
Rona接受東網訪問時，直認不時被人誤會是蝦頭，更搞笑是連「Facebook之神」也「擺烏龍」：「起碼我覺得唔似嘅，不過最近發生咗一件趣事，就係我個朋友將同蝦頭嘅合照放上fb，點知我Facebook就出現呢批相，我問我朋友做乜tag啲相去我度，朋友話冇，係Facebook主動tag嘅，我覺得好搞笑囉，所以我被封為2017女蝦頭。」
除「Facebook之神」認錯人外，連她日夜相對的經理人公司同事也曾搞錯，她說：「有次我喺公司，我同事行埋嚟同我講：『好耐無見啦，蝦頭。』我立即笑死到。」
邵子風唔覺似
Rona又話日前終於有機會遇見「另一個自己」，她說：「嗰日我親口同蝦頭講話好多人話我哋兩個人好似樣，其實似蝦頭都好好，因為我都好鍾意佢，佢做戲好叻，扮乜似扮，其實蝦頭唱歌好好聽㗎。」而蝦頭表示：「嗰晚我哋一齊做嘢見到面，我識咗佢做咗朋友啦，（覺得似樣嗎？）佢靚我咁多，同埋佢唱歌好好聽。」至於蝦頭男友邵子風則在網上邊唱Rona的新歌《大概大概》邊練拳，問子風可怕認錯女友？子風話：「我又唔覺得似喎，不過Rona唱歌真係幾好聽。」
----------------------------
東網巨星開咗ig喇，大家快啲follow啦！