【愛得火辣】安志杰JC追B計劃：日日做
20171207
東網電視
更多新聞短片
安志杰與JC夫妻檔出席活動，勁風騷！
藝人安志杰（Andy）與名模太太Jessica C.（JC）現身《海洋公園聖誕全城hohoho》活動。JC表示今年是兩人婚後的首個聖誕節，亦是她第一次在港過聖誕，有雙重意義：「覺得好開心同更加完整。（會唔會交換禮物？）應該要，但自從有咗囡囡Tessa之後都係圍繞住佢，我買咗一大堆玩具，但未到聖誕節已經畀咗佢。今年想搵棵聖誕樹布置屋企，諗住同囡囡一齊整薑餅。」
Andy認為今年很幸運，聖誕不用工作，可以留港跟家人過聖誕：「我依家喺內地拍劇，過完聖誕節先再返去，新年應該唔喺香港。」訪問期間，JC又拖又挨實Andy，還突然大讚老公好靚仔，非常肉麻！Andy笑言JC經常好Sweet。
仔女冇問題
問兩人的互相暱稱？Andy叫太太做Baby Pants，JC則說：「我會叫佢做Honey，囡囡都跟住我叫Andy做Honey，囡囡依家會跟我哋講嘢，所以我哋講嘢要小心啲。（有冇學咗啲唔應該講嘅嘢？）咁又冇。」至於Tessa先叫媽媽還是爸爸？Andy坦言：「應該係叫媽媽，我唔會呷醋，囡囡黐JC多啲，我只係同佢玩，佢需要媽媽。」JC自稱是靚女媽媽。
談及追B計劃？他們坦言有計劃，JC說：「我都好想。（想要仔定女？）我希望追個仔，但對Tessa嚟講可能生個女好啲，因為我都係有兩姊妹。」Andy揚言仔女都冇所謂，至於會否趁聖誕節整個Christmas baby？Andy笑謂：「我哋日日都做，係everyday baby。」
----------------------------
東網巨星開咗ig喇，大家快啲follow啦！