夫妻情侶鬥閃！陳柏宇自爆一飲就醉要放假

歌手陳柏宇（Jason）與太太符曉薇、趙勁皓（King）與太太盧頌之、張建聲與女友陳嘉莉等到大埔出席酒吧開幕活動，身為老闆之一的King表示酒吧由十多人合資，與尖沙咀店的股東架構有點不同，但管理層就一樣，而大埔店總共投資了七位數：「我喺大埔有置業，呢區好多酒吧都好爆，所以想喺度開。」Jason自嘲做生意方面比較蠢，要靠拍檔做決定，自己最幫手就是宣傳。King大爆曾被Jason的經理人詐型，似乎用Jason用得太多，而Jason就明白大家都有自己的立場。問到是否非常飲得？King指Jason很玩得，Jason就自言很久沒飲酒：「上得嚟飲酒就盡興，一飲就醉，之後起碼要放兩日假。」

提到剛完成演唱會就開工，Jason指12月有很多工作，不想浪費今年的努力：「如果開完演唱會就唔出嚟，好似對唔住公司，所以冇特登攞假，除咗下星期會快閃旅行兩、三日，會合班同事。」他透露會去東京，而King一家就在17日去沖繩。問Jason是否請同事去旅行？他笑說：「梗係唔係啦！邊有咁嘅能力？慘過白做呀。」至於入圍叱咤我最喜愛男歌手五強且是大熱，Jason坦言上網看到：「不過冇特別用咩心態，睇完就算，反正網上民意調查同實質賽果好多時都不符，因為實質投票有一定程序，我都冇投票，但都相信個System嘅。」