【人哋有老婆喎】林一峰自爆愛上林奕匡
20171208
東網電視
更多新聞短片
畫面充滿愛。
歌手林一峰及林奕匡（Phil）在九展開騷，騷後接受訪問，Phil表示今次合作很開心舒服，一峰就像一個大哥哥：「佢有好多經驗，我病成日咳好辛苦，佢就介紹啲嘢畀我食，大家默契都好好。」問到今次可是不夠喉？一峰表示不夠喉，期待下次再合作。講到在台上表示愛上Phil，一峰笑言：「點解唔可以愛上佢？個個都愛上佢，香港有呢個歌手好值得珍惜。」
講到一峰自爆《遇見》一曲本身是寫給古巨基，問到基仔冇唱嬲唔嬲？他表示：「唔嬲，歌有歌命。（覺得佢走寶？）又唔會，係緣分，反而期待同Phil創作上合作。」講到他在台上自嘲不及Phil高，問到可有在鞋墊加工？一峰笑言：「我話冇你信唔信，唔話你聽。」Phil亦笑言：「今日全部係『高山低谷』對比，例如佢靚聲，我沙聲。」一峰又表示之後會到中美洲旅行三個月。
----------------------------
東網巨星開咗ig喇，大家快啲follow啦！