兩大男神!謝霆鋒馮德倫鬥Chok互笠高帽

20171208
東網電視
更多新聞短片
周圍冰天雪地,謝霆鋒同馮德倫去咗邊呢?。
內地美食節目《鋒味》向來都十分受歡迎,除咗可以睇到藝人謝霆鋒做主廚之外,仲有唔少嘅星級嘉賓,就連舒淇亦都曾為座上客。既然舒淇都做過嘉賓,又點少得佢老公兼謝霆鋒嘅好友馮德倫?謝霆鋒同馮德倫曾經一齊合作拍電影,所以二人亦都相當老友。呢日馮德倫就喺社交網站上載咗多張同謝霆鋒嘅合照,佢仲話好期待謝霆鋒煮嘅餸:「#鋒味我來了!好期待看廚神Chef Nic廚菜」,馮德倫同謝霆鋒頭貼頭合照,馮德倫仲要大擺搞怪甫士。而謝霆鋒睇見老友甫相,都忍唔住留言大讚對方靚仔:「果然是你帥」可見二人相當老友。唔少網民都話呢一個組合真係難得一見,仲有人問佢兩個幾時會一齊合作拍戲添!