自覺年資淺　李佳芯睇好田蕊妮再奪視后

「新加坡視后」李佳芯出席「TVB職藝員聯歡晚宴2017」，而今年她憑《誇世代》一劇角逐視后獎項，她表示事前要再努力先再諗，但已經很開心，因為以為是憑《踩過界》獲提名，問是否失望，她說：「其實今年係bonus囉！已經超額完成，仲想點呀！香港呢個係另一樣嘢，但係好事，唔同角色都有份提名，（喺台上點拉票？）都未諗到，叫大家施捨個發財錢啦！上去諗到乜就講乜啦！今次視后對手太強，而且自己年資好淺，自己反而睇好田蕊妮嘅《迷》，同佢拍過幾次，佢係一個好好嘅演員同對手。」問是否替田蕊妮拉票而不幫自己拉票時，李佳芯謂：「我自己都會，因為唔想出現0票數，自己拉少少，幫人拉多啲。」