東方日報C1：鄭俊弘遭何雁詩老竇冷落敗走

歌手何雁詩早前被指發酒癲下衝口而出認單身，因而傳與男友鄭俊弘情海翻波，但其實兩人依然愛得癡纏，繼續同居！日前何父因病入院留醫，何雁詩為修補父親與男友的關係，悉心安排鄭俊弘前往探望博好感，奈何何父表現冷淡，Fred最後冇癮地獨自提早走人。

現年25歲的何雁詩（Stephanie、簡稱Step）去年尾因拍攝無綫節目與鄭俊弘（Fred）撻着，今年4月被本報踢爆令戀情曝光。當時有指Fred已有未婚妻，事後他表示已跟未婚妻分手，力撐Step並非「小三」，兩人最終排除萬難走在一起。戀愛大過天的Step不惜「降呢」與男友於西貢村屋築愛巢同居，但有傳女方家人一直未接受Fred。

醫院內照纏綿

兩人拍拖以來一直是非不斷，除了早前有指Step因自殘受傷送院縫針而傳自殺外，上月25日又在好友陳嘉寶婚禮上被指飲醉後不停大吵大鬧，又鬧某人是「衰人」，更突然衝口而出自認單身，惹來與Fred分手的疑雲。據知，兩人關係完全冇問題，Step為修補男友與屋企人的關係，日前更趁父親入院留醫期間，特意安排男友前往探望博好感！

當日下午4時半，Step出席完活動駕車與母親前往跑馬地養和醫院探病，兩母女邊行邊傾，齊齊搭?上病房。約20分鐘後，Fred手持鮮花前往醫院會合女友，Step在病房外迎接男友，兩人甚至肆無忌憚在醫院內纏綿。不過入到病房，Fred禮貌地向Step的父母打招呼，何父卻沒甚反應，表現冷淡！被冷待的Fred一直黐住女友，但心裏不是味兒，最後逗留個多小時便自行搭的士走先，一臉冇癮離開。

出院雙雙失蹤

三日後，何父終於出院，為免父親見到Fred篤眼篤鼻，Step醒目與男友自行「消失」，由媽咪負責接父親出院。另一日，Step駕駛其寶馬座駕載住男友離開西貢村屋，但駛至北潭涌附近又折返村屋。兩人落車後見到記者即表現尷尬，但Step仍笑笑口隨男友雙雙返愛巢。

更多新聞，請瀏覽東方日報網頁：

http://orientaldaily.on.cc/