翠如大食又唔識煮　蕭正楠呻命苦

藝人岑麗香與蕭正楠於尖沙咀出席聖誕活動，更是二人首次合作，談到聖誕節，香香表示要與老公強強過聖誕，更訂下目標想焗火雞給老公食，因以前在加拿大生活時，都沒有店舖開，要早一日買定炸雞待聖誕節當日翻炸來食，她更笑謂：「有技巧可以炸到啱啱買咁㗎！」又望可以有空閒時間開聖誕派對。

蕭正楠則笑指人生苦悶，即使聖誕節都會在工作中度過，因現忙於拍攝無綫新劇《十二傳說》，戲份更多達九成，而且聖誕節亦有數個商演，至於與女友黃翠如可會情侶檔出活動？他表示會，至於是否要靠工作才有時間見面？他說：「可以咁講啦！」他亦透露自己投資的漢堡包店，兩年已有兩間舖，最近有人有興趣加盟，表示若有人加盟就會開工場去處理食材。

被問到女友翠如的廚藝，他先默不作聲然後笑指：「你問起我啲傷心事，佢收咗工要我煮番畀佢食呀，好似啲雀仔咁，不斷要食。」又笑指翠如自在節目上煎燶雞蛋後，現在連雞蛋都不煎，笑謂自己命苦。