名人：猷君孖李雲迪合奏 奚夢瑤現身撐場
20171209
東網電視
更多新聞短片
好Sweet！
賭王何鴻燊四房兒子何猷君出席活動，緋聞女友內地超模奚夢瑤亦有到場支持，但兩人十分避忌，前後腳到場，奚夢瑤拍完照後便急急入場沒有接受傳媒訪問。猷君受訪時，講到戀情，拒絕回應。講到會與鋼琴王子李雲迪鋼琴合奏，他直言感到好緊張：「我平時彈開流行曲，冇試過以演奏身份上台，亦冇諗過過第一次就同李雲迪先生合奏，覺得好榮幸同時都好緊張。（事前有冇一齊練習？）直到啱啱綵排先有。（自己練幾耐？）呢個活動都籌備幾個月，要決定咗彈邊首先可以練。（覺得難唔難？）我覺得彈琴唔在於難唔難，難嘅地方在於上台同埋同李雲迪合奏。（打天才波？）我冇講呢句。（彈畀女友聽多？）冇娛樂問題答。」
他表示家姐是該活動的主席，與過往不同地方是以年輕人為主：「家姐idea係等我哋年輕人用自己生活同影響力吸引更多人關注帶畀演藝學院。」他透露稍後會開直播，看到他的彈琴表演：「想用新媒體，young啲方法去吸更多觀看率。（媽咪特登撐場？）有呀，佢講咗句『由你哋咁多個細路仔，由細到大畀咁多錢學鋼琴，終於有個彈到琴。』（學咗好多年？）好細開始學，冇考級。」
----------------------------
東網巨星開咗ig喇，大家快啲follow啦！