【睇見都心寒】張曦雯魔性大發血洗TVB

20171209
東網電視
更多新聞短片
睇見都心寒!
無綫Big Big Channel網劇《降魔的番外篇-首部曲》正在熱播中,唔經唔覺已經播到第八集,但係唔少網民大呻點解飾演「魔界女王」嘅前華姐冠軍張曦雯(Kelly)咁耐都未出場。正所謂「好戲在後頭」,打大佬梗係喺最後啦!
為咗令點擊率更高,See See TVB特意拍咗條宣傳片,講張曦雯係四、五線姐仔,地位卑微到連PA都睇唔起,將佢個名求其寫成「張hey文」,就算以低胸性感造型、配合嬌嗲聲線,See See TVB巨星「大丁哥」眼尾都唔騷佢,仲被對方一句:「四、五線以為自己一線,唔識你呀走!」徹底被KO!
不過都冇撲熄到張曦雯對演藝事業嗰團火,仍然努力喺化妝間練對白。但係唔好彩,佢用道具綵排時唔小心得罪節目監製,隨即一個order:「以後唔好畀佢上我節目」,搞到張曦雯等咗成晚都未有機會埋位開工,認真陰功豬!等咗成晚終於可以埋位,但係又溶妝又甩假眼睫毛,PA哥哥見狀想叫下個拍住先,等咗成晚嘅張曦雯終於忍唔住,激發咗佢「魔」嘅真本性,最後血洗TVB!
唔少網民留言都話好期待張曦雯嘅演出,就咁睇已經睇得出佢演技進步咗好多,仲話佢無論嬌嗲抑或發惡,都係咁迷人!
網民有話兒
Rxx xxu:成個cast最有興趣就係張曦雯
X添:支持!你進步咗好多。開始放低咗,突破了框框,好快入屋。hey文
Mxxxxew Chxx:張曦雯真係好正?
Sxx xo xxxn:勁好笑???
----------------------------
東網巨星開咗ig喇,大家快啲follow啦!