玩直播爆紅！許芯悅食住個勢出歌

影壇新人許芯悅（Katie）近年愛上玩直播，而且成績不俗獲得大批網友支持，日前她出席直播平台在香港舉行的發布會，Katie在台上與港台一眾直播紅人交流心得，她說：「其實我本身最唔叻就係口才，但直播訓練到我腦轉數快咗，講嘢都幽默咗，有時候我會表演唱歌，唱咗一段日子之後發現歌藝都進步埋，另外我第一首個人新歌將會喺明年推出，因為整件事進行比我預期中複雜得多，加上依家係自由身一腳踢，有太多嘢需要學習，希望到時候大家都會喜歡我首歌！玩直播除咗令更多人認識我，亦令到收入大增，可以有更鬆動嘅金錢去學唔同技能，令自己保持最佳狀態，又可以投資喺自己事業上，成就夢想。」