周慧敏夫婦開新舖 基仔篤波「搶紅」

20171210
東網電視
更多新聞短片
係Sweet嘅!

歌手周慧敏(Vivian)一身紅衣斜肩長裙與老公倪震再開第三間桌球室及首度開一站式婚宴場地,特別舉行「一地兩剪」的開幕儀式。今次兩夫婦請來好友古巨基做嘉賓,Vivian和基仔於桌球室內, 為名為Loop的橢圓形桌球枱主持開球禮,兩人切磋球技寓意「搶紅」,而基仔更說要和Vivian賭啤酒,倪震即時說若輸了他代飲為愛而戰,搞到全場起哄,而Vivian和基仔一展球技,苦戰一輪,最後基仔成功將紅波入窿,基仔笑言:「啱啱瞄到太太一眼所以出呢cue溫柔咗!」之後三人再轉到四樓婚宴場地,並用了Vivian和倪震當年的一張結婚相做布景板,其間兩人都被叫擺番當年的同一甫士拍照,但最終兩人怕醜只肯一起合照。

Vivian和倪震接受訪問,問到兩人可會在場地開結婚周年派對?兩人稱:「明年1月5日係9周年,2019年就10周年,時間過得好快,到10周年可以諗諗。」再影輯婚紗相?倪震謂:「我怕醜喎,你哋見我對鏡頭都好生硬呀!」Vivian解圍說:「等我話事喇,我決定影唔影啦!」至於Vivian稱9周年應準備演唱會未必有時間慶祝。問到演唱會可再宮廷服?Vivian謂:「冇諗呀,保暖最緊要,太少布唱唔到歌。」

問到倪震開第幾間桌球分店?倪震謂:「現有三間分店,最大願望係溫哥華開業,亦喺金鐘、灣仔物色緊新舖。」

----------------------------
東網巨星開咗ig喇,大家快啲follow啦!
https://goo.gl/KGuo2N