寧波車親自剃頭！竇靖童真的出家了？
20171212
東網電視
更多新聞短片
事實究竟係點？
天后王菲與竇唯所生嘅女兒竇靖童（童童），遺傳咗父母的優良基因，殺入樂壇作幕前演出，其唱歌風格都帶有母親嘅影子，獲得唔少粉絲追捧。
年僅20歲嘅童童行徑相當前衞，今日網上再有視頻流出，見到有位寧波車宗薩蔣揚欽哲為童童剃光頭嘅過程，而該網友發文表示：「竇靖童出家了，可喜可賀。」不少網民睇咗條片後半信半疑，詢問是否短期出家而已！
當時童童的好友周迅亦在場，更開心來個大合照，剃光頭的童童穿上便服，據內地傳媒報道，童童身邊工作人員回應事件，強調童童並不是出家，還以輕鬆口吻解說剃髮原因：「就是突然想做一個佛系女孩了。」
寧波車宗薩蔣揚欽哲同好多圈中人關係密切，去年仲推出一部電影，梁朝偉同周迅都無償演出。
童童經理人陳家瑛接受訪問時，被問到童童是否剃頭出家，她說：「我都唔知，等我問吓佢，可能佢想轉變感覺，雖然佢唱片工作就快完，但佢之後都繼續有工作安排，頭髮可以生返出嚟，唔係咁大件事，等我問吓佢先。」對此竇靖童工作室則回應指：「純粹是剃光讓頭髮重新長，真不是出家，誤會了！」
----------------------------
東網巨星開咗ig喇，大家快啲follow啦！