遭魔鬼魚襲擊　Odilia＠Bingo嚇到僵硬

跳唱組合Bingo成員Odilia（陳康琪）日前被外國製作團隊睇中一身古銅膚色及陽光開朗性格，獲邀到大溪地拍攝旅遊特輯，撇甩三位隊友的她坦言一直很想拍旅遊特輯，因為可以周圍吃喝玩樂，寓工作於娛樂，想不到終可夢想成真。大溪地景色優美，熱愛陽光與海灘的她在當地盡情玩樂，又穿上三點式大騷fit爆身材。而大溪地附近有不少島嶼，她表示最愛Bora Bora島，因為天空與海相連，一望無際，她笑言靚到忍不住想跳入海裸泳！她亦透露拍攝過程發生驚險事情，當她落水拍攝時，突然有一條大魔鬼魚撲上其身體，嚇得她全身僵硬不敢動，工作人員亦很緊張，她表示：「好彩條魔鬼魚好快就游開咗，有驚無險，導遊仲講笑話可能係因爲見我太興奮，搞到魔鬼魚都激動埋。」

問到行程中可有艷遇？Odilia謂酒店有個混血型男對他們特別好照顧：「佢係四個歐洲血統mix埋一齊。（好靚仔？）係呀，雖然唔夠高，但幾好人。（交換contact？）有呀，做咗Facebook朋友。（有冇keep contact？）冇啦，佢有女朋友。（你冇行？）係啦，但大溪地咁大，仲有好多男仔。」她又大呻今次出trip發生不少?事：「首先我去到爆咗個喼，落機返到酒店聽到個喼裂開咗，第二日我就整爛咗太陽眼鏡，搞到我喺嗰度十幾日都冇太陽眼鏡戴。（你喺嗰度買咪得？ ）嗰度啲嘢好貴，物價係香港嘅3至4倍，所以我第3、4日已經用晒啲錢，周圍問人借錢，覺得自己好?。（酬勞夠唔夠cover呢啲使費？）ok嘅，其實係我帶得好少錢過去，唔知嗰度啲嘢咁貴，我諗我喺嗰度最貴係買咗支眼藥水。（有冇喺嗰邊shopping？）買咗少少嘢，嗰邊啲嘢唔算好吸引，但我有買貝殻做手信。」雖然整爛喼及太陽眼鏡令行程有點美中不足，但她大讚整個旅程都拍得很愉快，叉足電的她回港後就要繼續為網絡電影努力。