《鋒味》惹爭議！素食女王被要求煮肉
20171217
東網電視
更多新聞短片
好尷尬！
藝人謝霆鋒主持嘅飲食節目《鋒味》嚟到第四季，但啱啱開播就惹嚟爭議！節目講到要求素食女王Daphne Cheng煮肉，但Daphne Cheng指自己16年冇煮過肉，即時講咗幾次「不可能」，又話唔會為咗個比賽去改變，氣氛搞到好尷尬！
霆鋒聽到都覺得好愕然，之後話：「我們尊重這個（決定），如果不做的話，就等於是棄權的話，你是這個意思嗎？」Daphne都點頭答：「是，是的！」霆鋒再同其他主持霍汶希（Mani）佢哋討論之後點做好，最後只好送走Daphne，霆鋒都有鞠躬講咗句：「謝謝你。」
其實Mani都有解釋番個原因，佢話：「比賽就是比賽，將來我們要出去PK的時候，真的不能說我只做素，不做其他的。就是團隊的精神是非常重要的。退出的話就有一點遺憾。」霆鋒就話：「我完全是尊重做素的精神，也非常尊重Daphne個人的這個信仰，只是當外面的很多的狀況或者是主題，並不是我們想的，可能是外來的一些因素，那這個（鋒味）戰隊會沒辦法搞。」
而此消息傳出後即惹來不少爭議，有指霆鋒不應要求素食主義者煮肉，似有不尊重素食主義者之嫌，不過據Mani提供的未經刪剪片段中發現，在上一輪比賽的末段，霆鋒提議兩位參賽者掉轉煮肉同埋素菜，從而比試廚藝高低，當時Mani有清楚問Daphne：「你能否煮肉嗎？」而Daphne當時回應是：「我不知道。」未有即場拒絕，故在今次比試中，霆鋒才會要求Daphne煮肉作賽。
----------------------------
東網巨星開咗ig喇，大家快啲follow啦！