兩個都不諳水性！顏卓靈難忘同白只墮海

演員顏卓靈到戲院為有份主演的新片與影迷見面。談到今次演出，戲中被綁票的她表示最難忘與男友白只齊齊墮海：「我哋原本唔識游水嘅，所以墮海真係叫救命㗎。導演原本叫我哋Hold 7、8秒就得，點知幾秒我哋就支持唔住，表現好緊張，而身邊有好多人等住拉我哋上水！（拍咗幾多次？）一次啫，但要補番叫救命嘅鏡頭。」

她笑言此事令自己與白只「惺惺相惜」：「梗係啦，大家都唔識游水喎，不過而家我連潛水牌都考埋喇，佢都識游水喇。（呢部戲係你哋第幾次合作？）其實呢部戲拍咗幾年，係我哋嘅第一部戲。（因為咁樣拍拖？）大家認識囉。」她又表示此戲令她獻出另一個第一次：「原本我角色係要識彈琴嘅，咁我咪喺開拍前去學囉，點知培養出彈琴嘅興趣，所以都有繼續學吓。」