阿田唐詩詠不丹射箭 同行兩個男人係？
20171218
東網電視
更多新聞短片
阿田（左二）、唐詩詠繼續歎世界！
藝人田蕊妮（阿田）同唐詩詠去咗不丹旅行，兩人連日嚟分別喺自己嘅社交網度瘋狂甫相，大晒靚人靚景。而阿田更話自己迷上咗攝影，所以喺今次旅行入面大影特影。
不過，阿田呢日暫時唔做「龍友」，反而改頭換面扮不丹人。除咗着靚衫之外，阿田同唐詩詠仲要玩埋射箭，實行融入當地！阿田晒出一系列同唐詩詠影嘅靚相，相入面仲見到有兩位男士，原來係兩女嘅導遊同司機，佢哋仲勁配合咁齊齊Chok晒擺甫士影相，而阿田亦有喺社交網留言話多謝呢兩位男士肯陪一齊癲。好多網民都大讚靚人配靚景，仲話好羨慕嗰兩位同行嘅男士添！
----------------------------
東網巨星開咗ig喇，大家快啲follow啦！