《韓薦》：俞承浩新劇戀上機械人？

又嚟到新一集《韓薦》啦！今集一樣有好多豐富嘅內容，除咗會介紹俞承浩同蔡秀彬嘅新劇《不是機械人》之外，仲會講埋女團少女時代隊長泰妍同女團TWICE推出嘅冬季專輯。而MBC電視台啱啱結束罷工，國民綜藝節目《無限挑戰》終於復播，仲推出咗高考特輯，一眾主持仲試考高考嘅試卷，過程超級爆笑。此外，熱爆韓片《屍殺列車》嘅導演又有新作《念力》，唔知可唔可以再創《屍殺列車》嘅紀錄呢？