曹永廉動真火 蕭正楠:係玩得過分咗

20171220
東網電視
更多新聞短片
蕭正楠(右)話兄弟之間有時可能玩過分咗,不過呢啲先係真兄弟。
藝人黎耀祥、曹永廉(阿廉)、蕭正楠(阿蕭)及黃浩然齊齊做的《公公出埠》昨晚播映第二集,而拍攝期間,曹永廉被蕭正楠、黃浩然車輪寸,令阿廉發火,鬧出真火花。
阿蕭接受東網訪問時笑謂:「阿廉以為發脾氣我哋兩個就會收歛,點知我哋變本加厲,所以佢終於知道對住面皮幾尺厚嘅我哋發脾氣係冇用嘅,兄弟之間有時可能玩過分咗,但係佢又唔怕觀眾見到佢小氣一面,哈哈!呢啲先係真兄弟。」
而第二集中,阿廉就連當年幫兄弟鄭嘉穎撩鞋底啲屎,自己成面成嘴都係屎都爆埋出嚟,仲畀班兄弟笑佢「食屎廉」,阿蕭又笑言:「你睇佢,為咗兄弟連屎都肯食,呢啲兄弟真係邊度搵呀!有今生無來世啦!我都呼籲大家多啲愛惜同關懷阿廉,佢呢啲人已經絕種㗎啦!」
此外,說到特輯中,三位已為人父的兄弟齊齊向阿蕭逼婚,阿蕭又謂:「呢啲嘢逼唔嚟,係逼都唔係佢哋幾個逼啦,我有分數啦!」