盧巧音入行20年學懂珍惜：多謝憎我嘅人
20171222
東網電視
更多新聞短片
Candy自認孤獨同埋唔鍾意講嘢。
歌手盧巧音（Candy）於麥花臣場館為一連兩場的演唱會舉行尾場，獲老公Sammy、林曉培撐場，全場爆滿。甫開場，Candy以一襲白色長裙出場，唱出《送魂經》。唱《沮喪》之前，Candy表示自細唔係好識講嘢，亦有少少自閉，淨係會望住電視機，不過自己都好鍾意呢種孤獨，笑言：「我唔講嘢唔表示我乖，我都有犯校規，都有少少沮喪。」之後Candy換上銀灰色造型，喺台上話自己今年43歲，去年先開始跑步，而跑步由運動變了人生嘅一個Checkpoint：「好多人都叫我唔好跑，但搵到人生嘅Checkpoint係對自己嘅承諾，同自己講一定要做到，其實大家都有自己嘅Checkpoint，要記得自己嘅價值，要愛自己。」並唱出《三國誌》、《落地開花》、《垃圾》。
去到中段，Candy穿上貼身黑色花花連身裙再度上台，表示自己入行20年遇到好多唔同嘅人，而自己都用唔同嘅態度對其他人：「我以前對人都唔係好好，有啲朋友因為我對佢哋唔好而對我唔好，不過呢啲都係人生嘅功課，只要你珍惜朋友就唔會對佢哋唔好。我要多謝愛我、憎我、講我好話、壞話嘅人，畀咗唔同嘅人生功課我。」
----------------------------
東網巨星開咗ig喇，大家快啲follow啦！