孫女識講Thank You!劉丹農曆年先見楊冪

20171223
東網電視
更多新聞短片
劉丹話楊冪冇返嚟香港做冬,但對方應該農曆年會返嚟!
藝人劉丹、林淑敏及單立文等,到東涌宣傳無綫處境劇集《愛.回家之開心速遞》,眾人大派聖誕禮物,與市民預祝聖誕。
劉丹被問到新抱楊冪可有返港做冬,他說:「楊冪冇返嚟,我個女都唔喺香港,劉愷威就喺度。(要到2018年先見到楊冪?)今年都係得番幾日咋喎,等農曆年啦,到時會見到。(你北上定佢返嚟香港?)應該佢返嚟香港啦!」
劉丹又談到孫女的聖誕節目,他說:「我聖誕要開工,開朝早06,不過唔會好夜收工。(為孫女搞party?)孫女今年已經去咗兩個聖誕party,屋企棵聖誕樹下面好多禮物,不過佢唔會扭買禮物,人哋送禮物畀佢,佢會講『Thank you!』(爺爺教導有方?)唔知係邊個教佢,可能係我老婆教佢!」
----------------------------
東網巨星開咗ig喇,大家快啲follow啦!