小背心玩女上男下　江嘉敏生擒人夫張繼聰

無綫台慶劇《誇世代》正在熱播，劇情講到與尚家一眾姊妹均有瓜葛的張繼聰，將與「七小姐」江嘉敏展開感情線，皆因阿聰任馬海倫保鏢，有晚於酒吧遇上江嘉敏被人抽水，沒料平日斯文的她卻能使出巴西柔術來反擊，令本身也是打得之人的阿聰亦技癢起來，於是力邀江嘉敏切磋武技，結果穿上背心的江嘉敏甫開始便出盡狠招，如鎖喉、又以女上男下姿態夾實人夫阿聰，結果阿聰當然大扯白旗投降。

由於江嘉敏於切磋期間揈甩頭髮激似仙女，結果令阿聰動心，二人繼而發展一段大叔戀?妹嘅感情。之後另一場戲就講述短褲晒長腿的江嘉敏不慎整傷腳，阿聰幫忙捽腳，令二人感情又再升溫。

而江嘉敏接受訪問時透露為了該場巴西柔術戲份，拍攝前也特別上堂了解，亦大讚因對手是阿聰令其很放心，她謂：「佢識打嘛！就算我用晒全身力打，應該都覺我只係按摩緊佢多啲，不過我本身都好鬼鍾意阿聰，人又nice又大隻，對老婆又好，當初知道同佢拍嘢，即刻心跳停頓幾秒。」對於「七小姐」角色當初因鄧佩儀受傷辭演，結果由她臨危受命上陣，江嘉敏直言不同人對角色演繹均有不同了解，寄望大家會喜歡她演的「七小姐」尚可兒。

----------------------------

東網巨星開咗ig喇，大家快啲follow啦！

https://goo.gl/KGuo2N