阿Sa聖誕攬「仔」 楊怡騎羅仲謙布置放閃

20171225
東網電視
更多新聞短片
真係閃過聖誕樹頂粒星星呀!
今日係聖誕節,圈中唔少藝人都趁住呢個大日子休息一下,實行要同重要嘅人好好咁慶祝一番。好似藝人羅仲謙咁,佢呢日就喺微博上載咗一張同老婆楊怡一齊布置聖誕樹嘅相,大晒幸福。佢哋兩公婆唔止着上紅色情侶裝,羅仲謙仲為咗等老婆夠高裝飾聖誕樹頂,不惜畀楊怡「騎住」,真係Man爆!
而藝人溫碧霞呢日就孖住老公囝囝,一家大細一齊去主題樂園共聚天倫。雖然天氣好凍,但溫碧霞都一於少理,照舊以「跌膊裝」上陣,簡直係無懼嚴寒!至於藝人蔡卓妍(阿Sa)亦有喺呢個大日子度「放閃」,不過就唔係佢男朋友,而係兩隻狗仔!雖然未見佢男友嘅蹤影,但阿Sa一樣咁開心,佢瘋狂咁同狗仔自拍,仲祝大家聖誕快樂添!