啜核！陸永送乜畀蕭正楠笑死街坊？
20171226
東網電視
更多新聞短片
究竟係咩呢？
藝人黃翠如、唐詩詠、蕭正楠同C君等趁住聖誕佳節去咗陸永屋企開Party，陸永太太就喺社交網洗板，Post咗好多Party嘅花絮，睇相見到佢哋買咗好多嘢食打邊爐，勁豐富！聖誕Party除咗食大餐之外，最令人期待嘅環節莫過於交換禮物！
陸永太太Post咗一條片，片入面見到蕭正楠拆緊一份包得幾靚吓嘅禮物，陸永見到佢拆得慢仲忍唔住幫手一齊拆添！拆到出嚟嗰一吓，蕭正楠呆咗，隔咗幾秒之後佢都忍唔住爆笑，原來佢抽到嘅係一隻成呎高嘅聖誕老人！
之後片入面就開始聽到疑似C君魔性嘅笑聲，而呢份咁古怪嘅禮物係陸永傑作，陸永同一把疑似C君嘅聲音一唱一和，話聖誕節有咩好得過收到聖誕老人做禮物，陸永仲話自己好難買到個咁樣衰嘅聖誕老人，大講風涼說話，恥笑力極強！陸永太太仲打埋Caption：「有咩嬲得過聖誕節抽到聖誕老人... 仲要係灰色嘅！」一諗起蕭正楠拎返屋企做擺設，一年365日都見到呢個灰色嘅聖誕老人，真係唔知好嬲定好笑！
----------------------------
東網巨星開咗ig喇，大家快啲follow啦！