又大鬧監製房!吳業坤差啲入配音組

20171229
東網電視
更多新聞短片
勁爆笑!
歌手吳業坤近日有份喺台慶劇《誇世代》飾演「包豹」一角,劇情終於都講到佢同歐陽震華交換番個靈魂,終於都唔使再喺透過倒映同鏡出現,終於可以做番個正常人!
唔知大家記唔記得,之前劇情未講到吳業坤同歐陽震華交換番個靈魂時,無綫官方社交網站《See See TVB》曾經上載條絕密片段,見吳業坤因為不滿向監製投訴!事隔三個星期,吳業坤喺《誇》劇終於可以同歐陽震華同框出鏡。但呢日《See》又上載條吳業坤又鬧爆監製嘅片,其實鏡都出到啦,仲要鬧?
事源吳業坤拎住隻「大明猩」打算送畀監製道歉,點知監製好似唔多領情咁,拎住「大明猩」話佢都已經有一隻!送禮唔成功,咁吳業坤惟有出口術:「知道你用心良苦,安排我喺呢個中後段出現。嘩,全世界都知道我做《誇世代》!」監製聽完之後,自爆吳業坤出場之後收視好咗,喺呢個時候吳業坤打蛇隨棍上,叫監製加佢自彈自唱戲份,仲即席彈結他添,點知監製聽到話《誇》都拍晒,仲可以點加?仲話吳業坤把聲咁好聽,不如將佢由藝員部調去配音組,吳業坤聽到即時彈起身嬲豬講:「監製你嘅思想同你嘅髮型一樣咁獨特,我覺你真係好叻!」之後即刻走人,唔少網友都話叫吳業坤千祈唔可以去配音組,如果唔係就見唔到佢個靚仔樣咁話!
網民有話兒:
xxy Lin Cxxn:千祈唔好去配音組,咁靚仔唔騷樣,好浪費
Gxxxia Sxxto:#坤哥演技又進步咗自然又生鬼
Wxxxer xxan:唔好調走呀!
Cxxn Pxxxing xxy:繼續拍劇咪幾好!
----------------------------
東網巨星開咗ig喇,大家快啲follow啦!