主持勁歌食負評!馮盈盈自認太MK

20171231
東網電視
更多新聞短片
下次加油!
尋晚嘅《勁歌金曲頒獎典禮2017》圓滿結束,不過唔少網民就狂批當晚司儀的麥明詩(Louisa),不但講嘢口窒窒,把聲又唔掂,總之表現就強差人意!而麥明詩接受東網電話訪問,佢話:「第一次主持live嘅節目咩都唔識,例如啲時間控制、點樣應對臨時嘅改動,而今次喺6號(陸浩明)身上吸收咗一啲嘅經驗,同埋一啲貼士,之後都會睇多啲好似嘟姐(鄭裕玲)主持嘅節目,喺佢身上偷吓師,希望下次就會做得好啲,同埋快啲箍完牙。」
只係陪襯
馮盈盈接受東網訪問時就逐點解釋,叫大家將焦點放番喺得獎歌手身上,佢話:「我哋MC 只係陪襯,唔好畀我哋搶焦點,其實網上嘅回應,我有睇,話晒我同Louisa一樣第一次主持一個大show,咁都有唔同意見,又唔係一面倒劣評,都有comment話呢個組合都幾新鮮,搞笑同風趣,有耳目一新嘅感覺。」
想貼地認MK
盈盈又承認有唔少地方需要改善:「第一就係講嘢太MK,唔夠莊重,其實我哋嘅主題係『Music is Everywhere』,想講貼地生活化,所以我哋嘅表達方式都貼地啲,希望大家覺得玩嘅嘢好親切,好似重播嘅《壹號皇庭》,hit嘅『抖肩舞』,同埋歌手嘅緋聞,大家都可以笑吓。」
超時變食螺絲
至於被批評食螺絲,盈盈坦言有苦衷:「因為個節目開始冇耐就超時,但個頒獎禮咁多嘢要頒,歌手都要講得獎感受,如果你有睇足成個show,我哋三個MC係冇催促個歌手講快啲或Cut佢哋啲歌同得獎感言,因為主角係歌手,所以畀佢哋講咩就講咩,犧牲個位就係我哋MC講嘢嘅時間,所以之前預備咗嘅Tag同環節都冇玩到同講到,仲要成件事加速,要講快兩句添!」佢又認為佢哋作為第一次做大show主持,已經盡力做好,都畀到自己一個交待,希望自己可以繼續學習,有所進步咁話!
----------------------------
東網巨星開咗ig喇,大家快啲follow啦!