2018阿嬌搶住嫁 開行Turbo生B做阿媽

20180101
東網電視
更多新聞短片
Twins喺2018年戀愛大過天!
蔡卓妍(Sa)和鍾欣潼(阿嬌)兩位好姊妹組成的Twins送別2017年迎接2018年來臨,踏入2018年Twins會繼續合體出發,去年兩人在演戲方面有很大得着,阿嬌到台灣拍攝偶像劇期間結識到男友賴弘國,她接受東網訪問專訪時冧爆說:「呢啲緣分嚟嘛,緣分都攞咗返嚟。(2017年最大收穫?)賺到個男朋友囉。」旁邊阿Sa忍不住笑說:「咁你畀咗啲片酬我啦!你都賺咗個男朋友囉。」阿嬌繼續放閃:「唔係遇到個男朋友咁簡單,係遇到一個對我好、又細心,真係關心我嘅人,唔係容易嘅。」阿Sa看來不及阿嬌Sweet?阿嬌即為阿Sa平反:「佢Sweet唔話你聽啫,佢Sweet到我想嘔呀,唔想睇到!」阿Sa則一直傻笑。
阿Sa盼與男友蜜遊
問到阿嬌新的一年可會結婚當人妻?阿嬌說:「但呢個唔係我決定,亦都唔係我出聲噃,呢啲嘢見到埋嚟就食啦。(有冇結婚呢個憧憬?)都有嘅,唔想40歲先生BB嘅,好辛苦,唉!暴露咗自己年齡添!(你仲有3年時間。)咁都要佗B㗎,可遇不可求。(好男人都畀你遇到,好快求到?)求子?……哈哈!」
同樣愛情得意的阿Sa,2018年最令她頭痛是如何爭取時間和男友石恆聰拍拖,已有四個劇本在手的她將年頭忙到年尾,想過二人世界都不容易,阿Sa說:「工作滿晒,反而好想去一次兩星期嘅旅行。(農曆新年你得5日大假?)我同Mani(霍汶希)咪好似擸住把刀搶期咁囉,因為拍緊戲,都係去得5日,其實我想去幾個地方,去歐洲兩星期都差唔多啦,唔好嘥喇,都飛咗十幾個鐘。」
身體健康演戲突破
不過,阿Sa因聲帶受損困擾多時,希望新的一年能夠痊愈:「依家睇緊言語治療,因為受損期間繼續用把聲,變咗嗰個位同隔籬嘅肌肉變咗有咗記憶,依家要搵另外一啲位發聲,相信都有排搞!」新一年阿Sa的願望首要是身體健康,另外一個目標是有份參與編劇的電影有好成績:「會原班上陣拍《原諒他77次》續集,因上集幾好成績,老闆都好開心,票房唔係最重要,口碑對我係最大收穫。」
剛踏入1月份,Twins已有3場巡唱進行,其中澳門站更是阿嬌生日前夕,阿Sa笑言:「嘩,成萬人一齊同你慶祝呀!」阿嬌直認喜歡兩人同台演唱,最為開心。問今年可會在電影上合體?二人同聲表示要先有好劇本,阿Sa說:「Twins畀人嘅感覺太深入民心,夾硬一齊拍,又係變番以前嗰啲戲。(要角色有突破性?)唔係要好突破,只係唔想畀人感覺胡鬧,係真係認真去演戲!」
場地:如心銅鑼灣海景酒店
化妝:Yanne Lee@ndnco.co
髮型:@嬌 Keith Wong
@Sa Kate Shek
服裝:@嬌 Fur Coat: Alice & Olivia
Red Jumpsuit: Tibi from Lane Crawford
Acc: APM MONACO/SWAROVSKI/J.Crew
@Sa Red Valentino
----------------------------
東網巨星開咗ig喇,大家快啲follow啦!