幾時嫁蕭正楠?黃翠如霸氣回:再睇佢表現

20180101
東網電視
更多新聞短片
一對對戀人呀!
藝人蕭正楠(Edwin)及黃翠如、袁偉豪及張寶兒、羅天宇及湯洛雯、袁文傑及張潔蓮四對情侶到寶琳出席倒數活動,鬥晒恩愛令整個商場瀰漫一片粉紅色氣氛。
大會安排翠如送花給Edwin,翠如笑說:「佢之前喺活動送咗花畀我好多次,今次到我送。」Edwin即說:「跪低先啦!」翠如說:「發夢啦你!」兩人打情罵俏笑爆全場。
自誇各方面都好
兩人表示過去大時大節都要分開工作,今次是首年一同倒數,翠如對Edwin說:「恭喜你見到我!」Edwin表示幸好今日不用開劇,又推了工作才能出席,問是否減價來配合翠如?他即反擊說:「買一送一㗎!(意指請他出席搭翠如現身。)」問他們新一年有否結婚打算?曾表示由自己來求婚的翠如說:「再睇佢表現啦!」再問到哪方面表現?Edwin即自誇全面都很好。
廚藝有進步
早前Edwin嘲笑翠如廚藝,連煎蛋 都唔掂,最近他甫了一張太陽蛋相片,留言說:「老懷安慰!」他表示煎蛋是翠如的作品:「好感慨,終於煎得好,唔捨得食,想鑲起佢!(加好多分?)由唔合格變合格。」問翠如會否新一年增進廚藝?她表示會考慮,但問題是不覺得自己廚藝差,講到近日的撚手菜式,她表示是四川麻辣撈面,再被取笑非常簡單,Edwin笑說:「何必講出嚟畀人笑呢?我都忍住唔講!」
之後Edwin上台獻唱,特別向翠如示愛,他對翠如的Fans說:「你哋要錫佢多啲,我都好錫佢!」冧到爆!
---------------------------
東網巨星開咗ig喇,大家快啲follow啦!