何遠東居然唔識趙永洪經典另一半?

20180101
東網電視
更多新聞短片
趙永洪(左)同埋何遠東(右)進行互問遊戲。
藝人何遠東同埋趙永洪因合作無綫劇《降魔的》而變得老友鬼鬼,近日佢哋仲一齊嚟到《東網》接受互問大考驗。遊戲玩法係佢哋要互相問對方問題,如果答錯或者對方答啱問題嘅話,就要按鱷魚玩具嘅牙齒,當鱷魚個口夾到邊個嘅手指,邊個就會係輸家。
首先何遠東就問趙永洪關於佢嘅三個「缺點」,趙永洪立即講:「靚仔、守時、得人鍾意!」認真搞笑!由於何遠東對答案相當滿意,所以就要向鱷魚進行「按牙」,好彩鱷魚未有反應。之後就輪到趙永洪問何遠東,:「趙永洪喺《同事三分親》中飾演Marco,佢嘅經典另一半又係邊個呢?」但估唔到嘅係,呢條問題考倒咗何遠東。究竟最後,何遠東能唔能夠答啱呢條問題呢?如果想知道嘅話,咁就一定要去片啦!