挑戰電視尺度！王君馨張兆輝玩SM自殘

無綫劇集《性在有情》熱播中，套劇因為意識大膽加上情節搞笑而引起討論。喺最新一集入面，飾演社工嘅張兆輝更加為咗幫飾演性上癮患者嘅王君馨，而不惜犧牲色相，唔止畀女方迷暈，仲被鎖上手銬，搞到差啲失身添！

一開始，張兆輝為咗做餌，去酒吧扮同王君馨偶遇，專登話自己同老婆鬧咗交，仲性暗示咁話：「我存咗好多子彈」，令到着上低胸爆乳裝嘅王君馨終於把持唔住，出手帶佢去開房！

上到酒店房，王君馨趁張兆輝唔為意，喺佢杯酒度落藥！唔知情嘅張兆輝飲完冇幾耐，就暈到瞓喺地上，連王君馨扣上手銬都冇力反抗。之後，張兆輝雙手被手銬鎖咗喺床頭，而王君馨就慢慢擒上佢身上，逐粒衫鈕咁解開，仲攞出刀片準備自殘，好彩張兆輝用力反抗，先成功制服王君馨！

唔少網民都大讚53歲嘅張兆輝Keep得好好，就算同細22年嘅王君馨上演肉搏戲都依然毫無違和感！亦有網友指床戲一集比一集激，先有張兆輝同陳敏之開房，依家仲玩埋SM情節，真係挑戰電視尺度嘅極限！除咗張兆輝，劇中飾演陳敏之妹妹嘅港姐陳華鑫備受關注，大部分網民都指佢樣靚身材好，力捧佢做新一代女神！

網民有話兒：

lapxxxxxo：啲劇情真係估佢唔到 好好笑xd

danxxxxx6：張兆輝好勁 咩角色都curry到

hyf1994：陳華鑫冇得輸haha

akxxxx7：TVB應該捧陳華鑫啦！