叱咤：陳柏宇奪最喜愛男歌手

歌手陳柏宇（Jason）奪得「叱咤樂壇我最喜愛男歌手」獎，在森美手上攞過獎座時，Jason激動得講唔到嘢，抖了好多啖大氣熱淚盈眶地說：「我好開心，其實呢一刻我戥同事同粉絲開心，戥每一個喜歡陳柏宇嘅人開心。如果呢一個係我最後一次拎嘅獎，我唔會後悔。我唔怕失敗，點解？因為我點失敗都好，永遠都有你哋喺我背後。我老婆每年都同我講，係佢哋唔識貨唔緊要，你喺我心目中已經係我最喜愛男歌手。」並激動得哭了出來。

之後Jason說：「我眼線有冇甩？」即時惹來笑聲，之後他多謝所有幫助過自己的工作人員及團隊，因為團隊才能夠無懼地做自己，但他立時補飛：「我一定數漏人……」他在獻唱得獎歌時恭喜投票給陳柏宇的人，希望明年他們投第二位歌手，讓其他歌手可以上台講出他們的故事。

----------------------------

東網巨星開咗ig喇，大家快啲follow啦！