The Boogie Playboys想搵SG拍MV

本地樂隊The Boogie Playboys今日到電台宣傳新碟，四子承認如今唱片不多人買，自己第一次出碟主要想多些人認識自己的樂隊和「山地搖滾」（Rockabilly）：「我哋隊band由2013年組成，由始至終我哋都係忠於Rockabilly呢個方向，雖然呢個風格冇人做，但都係一個契機，因為得我哋做。」

四子提到大家是偶然之下在網上認識，其後一拍即合。之後除繼續將新歌派台，會搞第六年的山地搖滾音樂節，又會把之前推出的大熱歌曲拍成MV，鼓手Barry更大爆成員想搵Super　Girls（SG）做女主角：「我哋希望啦，哈哈哈！（係咪邀請緊？）其實就唔係嘅！（你面都紅晒喔！）fantasy（幻想）嚟嘅啫！（MV會唔會有感情線？）我哋都有啲歌係愛情題材嘅，但初步可能都係搵一啲認識嘅model咁啦，未confirm嘅。」