拍咗拖一年幾　溫家偉鬆口認戀混血索女

藝人溫家偉於紅磡出席親子活動，喜歡小朋友的他透露其哥哥的兒子將會在9號出世，他則榮升「阿叔」！他說：「我一定錫到燶！因為由細到大都冇諗過阿哥咁快會結婚生仔，佢大我兩年！」

早前被指與新加坡混血兒索女拍拖的他，終於鬆口承認戀情，二人拍拖一年多，被問遠距離戀愛可會難維持？他說：「都ok，飛過去都好快。（佢嚟香港發展？）佢係演員，但唔識中文，國語聽到少少咋！」他直言二人感情穩定故公開戀情，但目前以工作為先，暫未有結婚念頭。

至於聖誕節，女友是否陪伴他度過？他透露12月21日入醫院做十字韌帶手術，22號生日的他在醫院度過，而女友則忙於在新加坡工作。