考慮拍《使3》!宣萱點名張智霖做對手

20180109
東網電視
更多新聞短片
宣萱同Chilam有睇頭喎!
藝人宣萱出席護膚品牌活動,談到很多人支持她奪視后,她表示多謝,更直言永遠有驚喜,愈熱門的人選就愈未必中。問到是否冇信心?她說:「平常心,唔會太緊張,有獎攞就開心,相信攞獎嗰個喺2017年都花咗好多心機去拍戲。」她又認為無綫劇《不懂撒嬌的女人》是入行25年來的代表作,沒想過回響及收視都很好:「出到街啲人仲叫我做Mall姐(角色名),心入面都好滿足滿意。(今年會拍劇?)都會同TVB有合作,但想揀自己想做嘅Project,暫時提過一套,貴精不貴多。」
想張智霖古仔做拍檔
宣萱又認為除了角色與團隊之外,對手亦很重要,而她自己亦追求開心,如果夾唔到就好困難。她亦表示沒想過《不》劇會咁成功,而她亦很喜歡角色,又透露應該會再開拍《使徒行者3》:「阿Mo(陳豪)個角色走咗,除非翻生。(你會接拍?)要睇對手。(想同邊個合作?)想同阿Mo,佢係我參演《使徒2》其中一個原因,仲有Chilam(張智霖)或者古仔(古天樂),但古仔未必會睬我。(會否叫古仔開戲?)睇吓有冇啱,今年就算網劇、電影、電視劇同出活動都想做。」
狂敷面膜Keep靚樣
問是否會開拍《尋秦記》電影版?她說:「你哋問番古仔啦!我都係聽order做嘢,都有啲期待同緊張,因為咁多年都冇合作,對佢都好有信心,佢會等好劇本同有把握先至開拍,都好值得等。」她表示現時盡量要保持靚樣,因為一定會畀人拎嚟跟舊相比較:「有得休息就休息,做多啲面部療程同敷面膜。(同古仔一齊做?)佢唔使啦男人,其實男人好處就係變成點都冇所謂,只會更有男人味,但女人唔得。」