為胞弟張衞彝辦追思會　張衞健心力交瘁

藝人張衞健（Dicky）胞弟張衞彝（Henry）日前於上水古洞歐意花園一間獨立屋內的浴室暈倒猝逝，終年50歲。其後Dicky接受訪問時表示因Henry沒有定時複診，醫生通知家人，家人到上址查看，發現Henry猝逝，事出突然，他都難以接受，又謂媽媽已得悉壞消息，心情很差，不過仍表現堅強。

其家人今晚在教堂進行儀式，而追思會及彌撒於8時開始。現場所見，有工作人員搬白玫瑰花籃進場，家人亦於大堂設有一張長桌，上面擺放了簽到簿、百合、蠟燭及小冊子等。晚上6時，Dicky太太張茜、胞弟張衞基與親友先行到場，問Dicky心情是否已平復時，張茜只回答：「Dicky一陣間就嚟。」說畢便急步進入教堂。

神情哀傷

Dicky媽媽大約在晚上6時45分到達現場，由張衞基陪同下進入教堂，只見她神情哀傷。另外，蘇永康跟太太其後到場，二人並沒有回答任何問題，只謂「辛苦晒」。

大約7時半，Dicky戴上黑色冷帽及以一身素服現身，見他一臉愁容，顯得心力交瘁下車後便與修女、朋友寒暄數句，當中Dicky前經理人趙雪英亦有在朋友堆中，然後眾人簽到進入教堂，記者上前訪問時，Dicky只說：「一陣先。」

其後，Dicky好友許志安、蔡立兒及其夫歐陽德勛先後簽到進場，當中蔡立兒表示因為儀式快將開始，不接受訪問，一共有40多人到場。儀式約晚上9時30分完成，眾人陸續離開神情哀傷。

張衞健：係沖涼嘅時候滑倒

Dicky接受訪問表示心情平復多了，感謝主給予家人很多力量：「尤其係媽咪，畀咗佢好多勇氣、堅強同埋豁達嘅心去面對Henry嘅事，再重申交代一次，警察於現場初步蒐證結果顯示，相信Henry係沖涼嘅時候滑倒。（撞到頭？）太Detail就唔知啦。（會唔會因為有隱疾？）會唔會係心臟或者中風就唔知道，會同屋企人商量一下會唔會作進一步嘅化驗。（之前知唔知佢有呢啲病？）唔知。」問到最後一次見Henry是甚麼時候，Dicky則沒有再回答。

受訪後Dicky的親友包括媽媽、太太張茜及警司胞弟張衞基由牧師帶領一齊下來，見眾人仍然面帶愁容，Dicky先與司機乘車離去，而Dicky媽媽、張茜及張衞基則乘後面的七人車離開。

Dicky更多謝天主教香港教區副主教陳志明神父的幫助，因神父在家人最徬徨的時候，主動伸出溫暖援手，當家人找不到一個理想的靈堂時，神父就為他家人安排聖約瑟堂，亦都主動提出幫Henry親自主持彌撒及盡量安排將Henry骨灰安放在天主教墓場。

----------------------------

東網巨星開咗ig喇，大家快啲follow啦！

https://goo.gl/KGuo2N