龔嘉欣讚劉江床上有力!黃浩然谷劇濕晒

20180110
東網電視
更多新聞短片
龔嘉欣(左圓圖)與陳凱琳(右圓圖)喺新劇內各自精彩!

藝人龔嘉欣(Katy)、陳凱琳(Grace)、朱晨麗、黃浩然、劉江等於元朗錦田出席無綫新劇《平安谷之詭谷傳說》宣傳活動,一眾女藝人挑戰用長嘴茶壺向劉江及黃浩然斟茶,搞到二人濕晒身,場面搞笑。

劇情勢令劉江不舉

Katy透露於劇中與劉江有不少床上戲,她笑說:「我最開心就係同劉老師做床上戲,我都有Grace嚟睇。劇情講我好生得,晚晚嚟搵我,但我會用方法搞到佢不舉。劉老師有心有力,畀足『戲』勢。」她謂初入行時於劇集《蒲松齡》飾演劉江的女兒,但今次飾演對方的太太。

拍劇整傷腰

提到Katy日前拍攝新劇《包青天再起風雲》時弄傷腰部,她說:「我都冇諗過會咁。嗰場戲講黃子恆打我,佢一手抽起我掟我落地下,其實拍嘅時候我聽到『啪』一聲,我已經知大鑊,但嗰時未識痛,係拍完第二日先開始識痛,依家彎唔到身同着唔到襪。佢有同我講番唔好意思,可能有時啲冇能力可能仲傷。」她續指雖然愈來愈痛,但未有時間睇醫生:「其實每一日都開工,好難就到時間,小心啲。」

陳凱琳帶鄭嘉穎重遊舊地

至於早前與男友鄭嘉穎到加拿大旅行的Grace,則表示在當地逗留了約一星期:「我之前都講過想過一個白色聖誕,咁不如返去,可以過白色聖誕,又可以見吓朋友,一舉兩得。喺我成長嘅地方可能好特別好多回憶,但對佢嚟講冇乜嘢。(有冇悶親佢?)我唔知,可能佢交到戲,好enjoy。」

龔嘉欣呻追求者冇耐性

問到身旁的Katy可有羨慕Grace有拍拖?Katy坦言未有追求者:「我一片空白。我覺得啲人會開始放棄約會我囉!成日約人食飯都延遲,無了期押後,其實都好考啲追求者嘅耐性。如果連瞓都冇時間,想出去食餐飯都難。」

----------------------------
東網巨星開咗ig喇,大家快啲follow啦!
https://goo.gl/KGuo2N