葉山豪操刀！樂瞳索爆泳衣照任你睇
20180111
東網電視
更多新聞短片
樂瞳出動私伙貝殼形泳衣！
藝人樂瞳為奇妙電視節目《玩轉日本動物園》，更以性感Look上陣與水豚共浴。樂瞳自備了貝殼形性感泳衣，她說：「帶咗三套泳衣都唔夠呀，一落機就要再買！同水豚君浸溫泉，係我一直期待嘅行程，我一知道有得同水豚浸溫泉就好興奮，好想抱住佢一齊浸！可以近距離睇到水豚，覺得好似發夢，我follow咗佢哋好耐喇！」
雖然樂瞳一番苦心，但她竟然被日籍型男拍檔葉山豪嫌棄。為樂瞳暫時客串「龍友」的他笑言：「樂瞳最近長咗唔少肉，都唔知水豚君係水豚，定樂瞳係水豚，佢哋一樣樣嘅！」
樂瞳聞言亦大玩踢爆，她說：「葉山豪成日都講粗口呀！搞到我接唔到落去！」葉山豪即表示冤枉，他說：「我學廣東話時，朋友教我㗎，佢哋話唔係粗口㗎！我好難分清邊啲字係粗口，亦唔知道邊啲字唔可以喺節目度講。」
----------------------------
東網巨星開咗ig喇，大家快啲follow啦！