搵天王契仔助陣?胡楓開騷嘉賓陣容強大

20180112
東網電視
更多新聞短片
胡楓透露有契仔、契女自薦做嘉賓,唔知會係邊位呢?

有「長青樹」之稱的胡楓(修修)以86歲高齡,再踏紅館舞台開騷,破了年紀最大的藝人開演唱會紀錄!開騷雖是開心事,但太太去年因病離世而未能陪伴在側,令「修修」感到痛心,更傷感表示:「冇咗佢喺度令我個心都好唔安樂……」

現年86歲的藝人胡楓,將於2月10及11日再度登上紅館舉行演唱會《胡楓86破晒紀錄演唱會2018》。「修修」受訪時透露演唱會籌備得如火如荼,現正忙着揀歌及排舞。

難捨亡妻愛心靚湯

提到過往的演唱會均有太太陪伴及打點,但太太前年因病離世,「修修」坦言總覺得缺少了一部分,傷感地說:「之前幾個演唱會佢都會煲湯畀我,依家惟有搵工人煲。(會否獻唱太太喜歡的歌曲?)太太冇所謂嘅,總之係我唱就得,佢最主要係我做得開心,冇咗佢喺度令我個心都好唔安樂……」

忍口護聲跳舞助興

提到選曲方面,「修修」表示今次會加入很多過往很少獻唱過的歌曲,更會加插跳舞部分。他表示一直有持續做運動,鍛煉身體來應付演唱會,望以最佳狀態示人:「有行路、跑步、有嗌聲,希望嗌開把聲,當然由朝到晚,除咗讀劇本之外就係唱歌。(飲食需要配合?)盡量食少啲熱氣嘢,保護喉嚨,同埋盡量食少啲,雖然鍾意食,但係都要忍!」

問到會否於90歲再舉辦演唱會,他指身體健康的話一定會開騷,更搞笑話契仔黎明已答應屆時會擔任嘉賓。

談到演唱會的嘉賓陣容強大,包括曾推出兩張唱片的張家輝、劉美君及張達明等,而張家輝為慶祝「修修」86歲生日,更自薦到紅館跟壽星公過生辰。至於天王契仔張學友及黎明會否現身,相信大會定必會給「修修」帶來驚喜。

----------------------------
東網巨星開咗ig喇,大家快啲follow啦!
https://goo.gl/KGuo2N