認係怪獸家長 陳豪想搬去校網區住
20180113
東網電視
更多新聞短片
陳豪話係環境令佢成為怪獸家長，笑言自己唔係先河！
藝人陳豪單拖到金鐘為慈善跑步活動擔任嘉賓，同場的林盛斌（Bob）則帶埋囡囡林霏兒到場。陳豪謂來到才知道一眾藝人帶埋小朋友出席，不過自己的大仔只有四歲，都不便齊齊參與活動。他透露平時會帶囝囝去踢波、游水，都希望多有親子活動，笑謂試過帶囝囝去打網球，不過年紀太小只會似波一樣走來走去。
為大仔揀學校
他指仔仔學游水、踩單車還是踢波都有教練教，笑謂：「我唔可以半桶水咁教，要有正確方法！（有同佢搵補習？）少少啦！」被問可會擔心成為怪獸家長？他直言是環境令他成為怪獸家長，笑指自己並非先河。陳豪又謂最近忙於為大仔選學校而面試，笑言：「仲有幾間呀，依家唔係家長揀學校，係學校揀家長！（想搬去校網？）你以為我哋冇諗過咩！不過遲啲先算啦！」又望三個仔女都可以讀同一間學校。
多番信心爭獎
談到無綫劇集《誇世代》大結局，他的演技大獲讚賞，有機會在台慶頒獎禮中爭獎，他笑指信心「多番半分」，又指目前未有消息指要拍續集，但見到大結局中有佘詩曼出現大家都應該好驚喜。
----------------------------
東網巨星開咗ig喇，大家快啲follow啦！