爭做「星女郎」　楊埕飛拖鞋掟林志穎

有「清純栢芝」之稱的女藝人楊埕最近參與內地綜藝節目《星星美人魚》，爭取參演周星馳電影《美人魚2》的機會，她揮低大批網紅及演員打入25強，成為香港唯一代表，最新一集林志穎任評判，眾女被安排即興演戲，楊埕發揮無厘頭創意，將「包租婆」角色加入題目「天龍八部」中，先潑辣地向林志穎飛拖鞋，其後愁爆講出深情說話，獲得林志穎賞識，他大讚楊埕表演有感情轉換，最終在該集中獲得頭四名！楊埕說：「啲題目唔夠半小時準備，好考急才！唯有將之前星爺嘅對白混埋一齊，再加我自己嘅創意。（有冇信心贏？）好多對手都係專業級數，我當今次嚟上堂咋！」

最近楊埕經常中港兩邊走，除了要到湖南錄節目，又在港拍攝無綫劇《12傳說》及《兄弟》，她直言試過連續四日冇覺瞓，只趁來回中港途中小眠，導致皮膚差晒又聲沙，但直言要趁青春搏盡！

----------------------------

東網巨星開咗ig喇，大家快啲follow啦！