返無綫做親生女！莊思明食飯行街勁平民
20180114
東網電視
更多新聞短片
完全冇藝人包袱。
入行近8年的藝人莊思明去年簽約Big Echo創辦人Apple姐（劉麗萍）掌舵的帝皇娛樂旗下，記者會上隆而重之，一身婚紗打扮的思明宣布「下嫁」經理人公司，隨即走進錄入室灌錄新歌，寄望一圓歌星夢！據悉當初一紙合約年期長達數年，惟雙方因理念不同，近日決定和平分手，獲「放生」的思明改簽無綫經理人約，而成為「大台親生女」後，久未拍劇的她即獲派演出《是咁的，法官閣下》，而本月尾思明更「處女下海」首演古裝劇，與黃心穎、湯洛雯及洪永城合拍豬年賀歲劇《丫鬟大聯盟》（暫名）。
事業上展開新里程的思明雖暫將歌星夢擱置，不過早前她灌錄了幾首新歌，故花上6位數將「BB」版權買斷，而無綫方面承諾等待適當機會會配合推出其新曲。解決所有問題後，思明自然心情大靚，日前晚上6時許被發現於旺角女人街shopping，只見她在攤檔東挑西選，一時揀手機殼、一時睇打底內衣，約兩小時後她再急步到附近商場搭?，原來相約了好姐妹蔣嘉瑩（《我和殭屍有個約會》主題曲主唱者）到一間名叫《泰邊爐》的食肆食平價任食火鍋，二人甫坐下即雞啄唔斷，又飲又食又selfie，一餐飯食足3個多小時才各自打道回府，可謂盡興而歸。記者嘗試聯絡思明，她淡然表示﹕「係呀，簽咗無綫經理人約，日內會為古裝劇試造型，不如留番到時先講啦。」
----------------------------
東網巨星開咗ig喇，大家快啲follow啦！